السلام عليكم يا أحبه الله يسعد ايامكم
انا وحده من عشاق الورق عنب ولي تجارب فيه كثير ماشاء الله
وفعلاً كنت اتعب عليه في يومين لكنه الحمدلله ريحني كثيييير في باقي السنه ..
وغالباً اسوي هذي الطريقه مع مفرزنات رمضان
فاانصح اي وحده تطلب ورق عنب كثير تفرزن وترتاح
وهذي طريقتي
المقادير :-
- كوبين برغل ويفضل البني
- ٢ بصل مقطع مربعات صغيره
- ٢ طماط مقطع مربعات صغيره
- نص صره بقدونس .
- بهاراتي
م ك لكل من : ملح وملح الليمون وبهارات مشكله وكاري .
نص م ك : فلفل وكركم وقرفه .
- ربع كوب زيت زيتون .
الطريقه :- تخلط جميع المقادير ونلف الورق ، ونصفهم على صينيه او داخل الاكياس حسب المقدار اللي تحتاجين تفرزنينه بالجدر .
وبالعافيه ❤
نصيحه | الالمنيووم مضر جداً تجنبو أستخدامه .
ليست هناك تعليقات:
إرسال تعليق