المعدل الوراثي ثم العضوي زهوور

السلام عليكم 

كل عام وأنتم بخير عيد فطر مبارك علينا وعليكم يارب لافاقدين ولامفقودين زايدين أحباب مو ناقصين .. ويارب من فقدناهم عيدهم بالجنة أجمل .
..

ربما أكون حديثه في عالم الصحه .. حتى وأن كانت سنه أعتبر لازلت مبتدأه ولازلت ابحث اقرأ أتعلم كل يوم جديد

..

في الشهور أو السنه السابقه لم أكن أركز كثيراً على العضويات بشكل كبير بل أبتعد عن الاشياء التي لها أضافات غير صحيه وغير صالحه للاستخدام الادمي بسبب جشع البشر .

..

وقبل شهر حصلت لي الصدمة الاولى
وهي " المعدل الوراثي قد تكون في الاكلات العضويه " يعني ليست خاليه منه ( وأنا كنت متخيله أن عضوي يعني مابه شي ! طلع اصلا حتى المعدل الوراثي تقدرين تسوينه عضوي )  شي غير مفرح أساساً

هنا بدأت الانزعاج والوسواس وين بنوصل مو كفايه أمراض كمان دحين تبغى موناسنتو تدخل السعوديه وهما مامنعوها نهائي يقولو بتخضع للرقابه وبعدين ! :(

كلمه بتخضع للرقابه شي مزعج مايطمن الواحد ابدا حيكون فيه مجال أنو تدخل علينا بااي طريقه اخفاء الاسم تغير المسميات واشياء كثيررره جداً أحنا بنكون الضحيه وبترهقنا مادياً نفسياً بيئياً الارض بتخرب والحيوانات مش بس النبات بيتأثر حتى أحنا بنتأثر !!! 

تمنيت أنو مهما صار الضغط تقوبل بالمنع النهائي لأنها شي جداً جداً جداً خطير 

اذا هو مؤسس الشركه كافر عالاقل نحن نكون مسلمين ونخاف الله في عيالنا !

عالاقل هواا يأكله اذا يبغى لكن مايبلشنا حنا .. هوه مستحييل يأكل المعدل بيعطيه الضعوف وهو بيستمتع بالغير معدل والاورغانيك مع عايلته وعياله :)  

واللي بيخليني اتكلم الآن هو قهرري خوفي علينا وعليكم وعلى جيل المستقبل لايطلع شي تندمون عليه ومن مستشفى لمستشفى وبعدها تتعرضو لاخطاء طبيه او امراض جديده او ماله علاج .. نحن في الوقت الحالي الامراض من كل جهه وصوب وموملحقين فكيف لو كان اكلنا معدل وراثياا ايش بتسوون؟؟ 

بدكم تعرفوو كيف يعني خطير ؟ خطير لدرجه كأنك بترمي نفسك وعائلتك بالنار تخيلي كذا أقررب أحساس :(

..

طيب يازهوور أيش يعني معدل وراثي ؟
الله خلقنا أحسن شي وكمان خلق لنا أكل يناسبنا .. اللي حصل هنا جاء الانسان وتدخل في شغلات ربي وسواء تجارب كيميائيه خطيره وانتج لنا منتجات مغيره شكلياً فقط ويغريك ان ماتجيها حشرات وبالعكس الحشرات وجودها شي طيب يدل على ان الاكل فعلا من صنع ربي طبيعي وممتاز ..

لو الحشرات ماهي نافعه لنا كان ربي ماوجدها بهالحياه صدقوني 

المهم هذي المواد الكيميائيه اللي دخلت في الاكل وندخلها داخل اجسامنا 

جسمنا هناا بيشوفها شي غررريب كيف يتصرف فيها !! كيف يطلعها لاتنهضم ولاتطلع ولايستفيد منها وكمان لاتستهيني فيه تخيلي الهرمونات اللي بتاخذيها من الابقار عن طريق الالبان والحليب تغير هرموناتك وتطلع لك اشياء مو طبيعيه شااذه فما بالك بالاكل الوراثي راح يسبب لك اورام على المدى البعيد وتشوهات لاطفالك غير انك بتدفعين فلوس على الاكل المعدل الوراثي بعد كم سنه راح تدفعين على ادويتك وعلاجك وفوقها على امراض اطفالك واحفادك هما ينبسطون باللي تدفعينه لهم وهم والله مادرو عنك وياكلون الاكل الطبيعي اللي كلو حشرات وطعمه لذيذ وابشرك حتى المبيدات مايحطوها على اكلهمم بس حنا مساكين صدق تمشي علينا الدعايات :)

..

 المجتمع والبيئه والاطفال والحياة امانة برقبتكم أنتم .. أتركي مشتهاتك على جنب وشغلي عقلك الآن وأبحثي بعمق حتى لو توصلين مرحله الصداع .

مثل ماتبين تبنين بيت وتأمنين مستقبلك أمني صحتك خليها قوية لآخر عمرك حافظي عليها زي ماتحافظي على أموالك وممتلكاتك ..
الصحه أولا والباقي يجي بعده

..

طيب يازهوور وش نسوي الآن ؟

الحل بيدينك رفعي هاشتاق تويتر بما أنه أصبح له صوت .. أرمي المنتجات المعدله وراثياً .. اقرأي البطاقه الغذائيه وكل مارفضتو وخسر سوق المعدل الوراثي وركزتو على الطبيعي كل ماحافظتو على الحياه الحقيقيه مثل ماخلقها ربي .
..
الان انتي لما قرأتي الموضوع خلاص صار عندك وعي ! لازم توعين أهلك واطفالك واللي يقبل الله يوفقه واللي مايقبل بكيفه لايجي بكره يتشكى انو يبغى يتشافى ومدري أيش :/ لأن المناعه من الاكل الوراثي حيكون بحح ماكو مناعه الاكل اللي اكله ماكان صديق للجسم :)

..

اختصار الحكي كله أنو لما نتسوق مانركز على الاشياء العضويه وانتهى الموضوع يعني آمن ! لا

نركز على الاشياء الغير معدله وراثياً أو جينياً ثم العضوي حسب رغبتك 

لأن العضوي هو فقط أنه ماتعرض للمبيدات الحشريه أو لسماد بترولي أو ريها بمويه الصرف .

نقدر بااذن الله نتخلص مشاكل الغير عضوي عن طريق نقعها بمويه وملح او بيكربونات مده عشر دقايق .

طبعاً طبعاً طبعاً يظل العضوي الغير معدل وراثي أفضل وأنصحكم تتعلمون الزراعه بتتعبون فيها لكن بتوفر عليكم وتضمنون الاكل اللي بتاكلونه أنه صصحي فيتاميناته وفوايده أكثر طعمه ألذ جسمكم مرره بينبسط في الاكل الحلو :)

طيب زهوور كيف نعرف نشتري الغير معدل ؟

راح تلاقو كلمه NON GMO
أو GMO FREE 
أو غير معدل وراثي أو غير معدل جينياَ 
إذا لقيتو بس GOM لوحده تعني معدله وراثياً 






هذا الشعار مثلا وايد بتلاقونه على المنتجات في الماركت او امازون أو آي هيرب
واذا تبغون تبحثون عن شي غير معدل وراثي بس أكتبو NON-GMO
وراح يطلع لكم 


وعشان مانطول عليكم حكي بعطيكم روابط أنتم أتطلعو عليها وتلاقو بحر قوقل كبير مجرد بحث وقراءه راح تشووفي نفسك غيرتي طريقك للطريق الصحيح

مواضيع تهمكم جداً 

مونسانتو الشركة الشيطانية 

بذور الموت مونسانتو وثائقي توعوي


فلم توعوي CONSUMED

حقيقة الرموز على ملصقات الفواكه والخضروات

الاغذيه المعدله وراثياً في فلسطين  ( مفصـل )

وبس يارب قدامكم العافيه وربي يحمينا ويحميكم من شرور الأنس ويرد كيدهم في نحرهم ياكريم . 
وألف شكراً لكل من ساهم في التوعيه من جميع انحاء العالم خاصه الاصدقاء السنابيون .

( الموضوع قابل للتحديث ) 

أنتهئ