كيف أحول إلى النباتيه ؟ هل هي ضروريه ؟ تجربتي هنا

السلام عليكم يـ أصدقاء ..

يارب تكونو بصحه وعافيه دائمه .. 

بتكلم شويه عني وعن النباتيه وأتمنى أنكم تستفيدو منه .. 

أول شي بقوله لكم أنا نباتيه 80% و20 % ممكن آكل فيها منتجات حيوانيه .. 

أنا كنت أعاني من حساسيه من أقل حاجه بتلاقو فيني أنتفاخ كأني جارحه نفسي وأنتفخ أي حد بيشوفني بيقول وش فيك !! 



وما أنكر أني تعبت منها وماخليت منتجات ماجربتها ولكن للاسف مو جايبه معاي نتيجه !! 

الوزن الزائد مع أني مو سمينه لكن حالي حال أي وحده تبغى الرشاقه .. أتملل من الرجيمات وأحيان مانشبع من الاكل !! 

أذكر من المرات جاتني حاله صعوبه بلع وهالشي كرهني بالاكل !! 

عدم أنتظام الدوره !! شي قلق عند أي بنت , لما جربت النبــــــاتيه أيـش أقول !! 

تغيرت كثيير كثيير كثييييييييير والحمدلله شفت نتايج طيــبه ومذهله وهالشي مخليني أصر على الاستمرار !! 

كنت أعاني من الاكتئاب مده سنتين بعد مشاكل مريت فيها والحمدلله الحمدلله أموري بفضل الله طيـبه . 

وبـإذن الله بكـون مستمره على هالشي بدعمكم وتشجيعكم ..

طبـعاَ بتقولو ليا كيف نبدأ النباتيه !! 

فيه نباتيين للأسف الشديد بيقولو نحن مااستفدنـا من النبـاتيهأيوه فيه ناس نباتيه ماتستفيد معتمده على الرز الابيض والمعلبات الخاليه من المنتجات الحيوانيه والكورن فليكس وبس !!

وبعدين يجون يقولون لك مااستفدنا !!

أنا لما قررت النباتيـه قررت أكوون كمان  ((صحــيه )) 

ضــروري جداً أنك تهتمين بصحتك أكثر من ماتكوني نبـاتيه
أنتي محتاجه جسمك يكون قوي ويتحمل أقصى حد ممكن من عمرك

فـ أعملي عليه من الآن لاتنتهي حياتك بمستشفيات زي حالات الكثير الله يشفيهم ويرفع عنهم ويسخر لهم الصحه والعافيه ويرحم من مات فيهم يارب .

لما أقول تهتمين بصحتك أهتمي بـ أكلك وتنوع العناصر فيه ..
ما أعتبر أنا خبره أبد ولكن جاهدت في هالشي وبحثت وبحثت لدرجه أنو صدع راسي بس التعب يستاهل لأني راح أفيد نفسي وأفيدكم معايا .

لما أقولك أكلي أكلات صحيه ما أقولك خذي الغالي ولا أقلك خذي الأورغانيك .

بالعكس الخضار والفواكه لما تأخذيها من سوق الخضره مش الماركت راح توفر عليك كثييييييير وتقدرين تفرزنين أي شي لو حبيتي بدائل معلبات لو انتي كثيره تشترين معلبات .

أنسي تشترين أشياء معلبه شوكليت شيبسات عصائر وغيرره أبد أبد أبد ولاتفكرين لما يمتليء بيتك أشياء صحيه غصب عنك من الجوع بتاأكلين اللي قدامك واذا اكلتيه بيكون نظيف وضميرك مرتاح .

حتى أطفالك خليهم يشاركون معاك بعمل العصيرات وكذا بيتحمسون معاك يوم يومين بيصيحون لكن مع الجوع غصب بينجبرون ياكلون .. أهم شي طولي بالك عليهم

أهم شي أحرصي أول ماتشترين الخضار أنك تحطينه بمويـه وخل وملـح وتخلينه يتنقع 5 دقايق على الاقل تخففي من المواد اللي فيه .

حتى الورقيات باامكانك تغسلينها وتجففينها وتحتفظين فيها بالثلاجه سواء كانت مقطعه او كامله .

أقطعي المقالي والسكريات وطبعاً لي تجربه مع السكر أنا من عشاق السكر في المشروبات الحـاره !! مع أني مااحبها ولكن على مزاجي أشربها ..

لين جاء اليوم اللي قررت فيه أقطع السكر مده شهر
وجبت شاهي بعد شهر وحطيت فيه مقدار السكر كالعاده ودي أغير عن اللي بدون سكر,
وربي ماقدرررت أشرربه حااالي حاااالي حااااااالي كثيير !! أنصدمت من هالشي ولما لقيت حمله مقاطعه السكر بتويتر لاحظت أنو فعلا اذا قاطعتيه يتغير عليك وحتتقبلين الاشياء بدون سكر !!
والحين الحمدلله اغلب الاعشاب اشربها بلا سكر .

هالمرحله اللي عشت فيها حبيت الاستكشاف والتجارب بالاكل بالتذووق بكل شي !! تحسين لسانك صدق نظيف وتعرفين تذوقين صح.

طبــعاً نجي للي يقولـون نحن مانستغنى عن المنتجات الحيوانيه والبيض والحليب واللبن ولازم رسمي ناكله يومياً والبيبسي !!

أنا أعشق المطبخ وأحب أجرب طبخات أشكال وأنواع يعني مجربه بروستد وستيك ودينايمت شرمب وكل شي بصوصات أشكال وأنوواع يومياً من تجربه لتجربه !!
أحس كان قرار صعب صعب صعب جداً لما صرت نبـاتيه أيش أكل أيش أسوي شلون أكل رز بدون دجاج بدون لحم !!

البدايات أكيد ولازم تكون صعبه لأنك مو معتاده تحتاجين فقط اراده وطوله بـال ومع الايام بتلاقي نفسك كرهتي هذي الاشياء او ماعادت تهمك زي قبل شلون وكيف ما أعرف !!

في يوما ما رحت مكان الدواجن كعادتي وكنت عادي أدخل وأخذ طلبي وأطلع لكن بعد ماصرت نباتيه بكم شهر رحت وماقدرت أتقبل ريحــه المحـل نهائيـاً !! بينما اللي معايا مو نباتي عنده الوضع عادي زي كل مره ماتغير !! صدمـه لي !!

حتى لو أحـاول أرجع أكل زي قبل أحس ما أقدر نفسي ماعادت تتقبل بتحسينه شي ثقيل عالمعده الاكل الحيواني وممكن تقدرين تاكلين على خفيف عادي لكن بتاخذي راحتك مااعتقد أبد بعد التجربه النباتيه ..

والبيض اللي لازم يكون بكل صباحاتي أستغنيت عنه ,

 وأسويه لي نادر لو ماعرفت وش آكل

لكن حالياً ماعدت أتقبله زي أول وجاتني حاله ودي أتركه هههههه مجنونه أنا صح .

طبعاً أنا هنا ذكرت تجربـتي لكم وطبعاً ما أشجعكم وأمنعكم هيا تجربه لا أكثر حبيت أذكرها لكم وأنصحكم تجربونها وتعيشونها وبتشوفو بنفسكم راح تستمرون ويكثر استكشافهم وبتحسونها أكثر فتره ممتعه وحماسيه ,

 إذا ودك تستمرين عالمنتجات الحيوانيه خليـها مره وحده بالاسبوع واعتمدي النباتيه في باقي الاسبوع .

ولكن شرط شرط شررط أنو الدجاج يكون بلدي وحبذا يكون من مزارع ماتستخدم هرمونات

وتتغذى بااعلاف نباتيه وعندكم بيض رحيمه يوفرون هالشي لكم ..

كمان تنطبق النتيجه على اللحم والسمك خذو الاشياء الصغيره أفضل ..

السلطات كثري فيها الورقيات الخضراء واعتمديها يومياً ., يكفيك ملح وليمون بتستطعمين كل حاجه بشكل مختلف وبشكل ألذ ..

بـ النهايـه مابي اطول عليكم اكثر ولكن حـ أقول لكم راح تلاقو معارضين وراح يلفتهم موضوعك أيش بها دي مجنونه وأكيد جسمك فقد حاجته ووووو

لكن مادمتي تأكلي خضارك وفواكه وبقوليات ومكسرات على أكمل وجه ماراح ينقصك شي راح تكونين أكثر صحه وقوة ..

ولاتبلغين أحد باللي تسوينه خاصه اللي يتمسخرون سوي كل شي وانتي ساكته

واذا لقيتي جمعات وكذا اختاري سلطات واشياء قد ماتقدرين تكونين فيها صحيه

وطبعا بيسألونك قولي مو مشتهيه ماعرف ليش وقفلي الموضوع ...

 الا اذا كانت ناس واعيه وتشجع ناقشيهم واخذي واعطيهم وياهم عادي

وطبعاً عشان ماانسى البقوليات والمكسرات لازمك تنقعيها 12 ساعه وبعدها تقدرين تستخدمينها لما تغسلينها عن مويتها ..

المكسرات أنا أنقعها وبعد مااغسلها من مويتها أحطها بفوطه تتجفف لي كم يوم وتقدرون تاكلونها عادي وممكن تسوون فيها صوصات وغيره ..

وبس الله يوفقكم ويسعدكم